Venezuela kier incrementa e presencia di pesca Venezolano riba mercadonan di Caribe y tambe Europa

Pesca ta un produccion grandi na tur pais di mundo. Akinan tambe na Aruba esaki ta asina. Segun Leonardo Paez ta vice minister di produccion y distribucion di e ministerio popular di pesca y agricultura na Venezuela, un di e principal plannan cu nan tin ta e tema di exportacion pa mercadonan di Caribe, specificamente pa Aruba, cual ta un di e principal destinonan di exportacion. Kier incrementa e presencia di e pisca Venezolano cu ta di un calidad halto den mercadonan di Caribe y como plataforma pa Europa tambe.
Segun Paez e plan, aparte di e planificacion di trabao, te cu e organisacion di combenio cu empresanan Arubiano cu ta permiti nan pa potencia y ta permiti e industria Venezolano, tanto den Caribe como na Europa.
E lazo ta existi caba, pa loke ta pesca, berdura y fruta. Tin mas plan, segun Paez. Awor aki ta habriendo e portanan di Venezuela pa inversion stranhero, pa asina participa den e potenciacion di loke ta e industria peskera agricola di Venezuela, atrabes di aliansanan strategico of tambe establecimento di empresanan mixto.
E intencion ta pa traha cu e piscadonan di Aruba, cu empresanan di Aruba y tambe ta captando capital stranhero/internacional pa potencia e industria na Venezuela.

Comments

comments