Venezuela a wordo eligi pa prome biaha pa ocupa un di e vicepresidencianan di e Asamblea General di Nacionnan Uni den representacion di Latino America y Caribe. Asima e representante permanente di e pais Sur Americano pa Nacionnan Uni, Samuel Moncada, a comunica.
A traves di su cuenta di X, Moncada a manifesta cu e representacion di Merca den e organismo internacional tabata e unico pa opone, pasobra nan ta reconoce “e gobieno titere cu inventa pa corta CITGO for di e Venezolanonan,” den referencia n’e autoproclama presidente Juan Guaido, kende a conta cu sosten di Washington.
Di su parti, e canciyer Venezolano, Yvan Gil, a afirma riba su rednan, cu Venezuela “ta sigui vence e intentonan di aislamento impulsa pa imperialismo.” E representantenan di Argelia, Angola, Austria, Barbados, China, Francia, Ghama, Guatemala, Italia, Kirguistan, Madagascar, Micronesia, Moldavia y Rusia tambe a wordo eligi pa ocupa e respectivo vicepresidencianan di e Asamblea General di e organismo multilateral aki.