CARACAS, Venezuela- E compania estatal PDVSA a atribui e falta di gasoline den e parti west di Venezuela na e retraso den pago na transportistanan maritimo. Esaki ta consecuencia di e sancionnan financiero di Merca y el a priminit cu e suministro “lo ta bek na normalidad den e proximo horanan” den varios estado.
Venezuela ta e pais cu reservanan petrolero mas grandi na mundo, pero e ta importa gran parti di e gasoline refina cu e a bende na Merca y otro paisnan.
Decenas di vehiculonan tin dianan ta forma filanan largo dilanti stationnan di gasoline na Merida y Tachira, dor di e falta di combustibel den e pompnan.
Situacionnan similar ta pasando tameb den estadonan Barinas y Zulia, unda cu manifestantenan a cera cayanan pa protesta pa falta di combustibel.
Autoridadnan Venezolano ta atribui habitualmente e corte di gasoline den e parti west di e pais na e contrabando pa e frontera cu Colombia.
Venezuela tin e gasoline mas barata na mundo debi na e subsidio grandi di estado pa cual e rebenta di combustibel Venezolano na otro banda di e frontera ta un negoshi lucrativo specialmente pa e contrabandistanan.
PDVSA ta pasando den un crisis financiero grandi cu e pone varios compania financiero internacional na declara e debe di e compania den “default” of incumplimento di pago, na momento di retraso di e likidacion di vencimento di su bononan.