Madrid, SPAÑA- Pa Venezolanonan rico den exilio, Madrid a bira nan cas leu for di cas.
Venezolanonan mas y mas ta dirigi nan mes pa e capital Spaño pa nan inverti nan placa na momento cu nan pais di origen ta cay mas y mas den un caso economico y e ambiente politico ta birando cada dia pio. E cantidad di Venezolanonan yegando Spaña a aumenta cu mas di 50% na 2015, segun e oficina di estadistica di Spaña. Esaki ta e aumento di imigracion mas grandi, despues di Ucraina.
Compartiendo e mesun idioma, cu stabilidad politico y un mercado cu ainda ta recuperando di un caida formal di seis aña pasa, Spaña ta atraccion pa hopi Venezolano rico cu ta buscando manera pa proteha activonan for di e desastre economico den nan pais di origen. E cantidad di propiedad bendi na personana di nacionalidad Venezolano a aumenta cu 17 % na 2016, segun Spaña su oficina di registro di propiedad.
Mas pio cosnan bira, mas nan cumpra na Madrid, segun e director general di real estate na Madrid, specialisa den bende y huur propiedadnan exclusivo den e bario exclusivo di Salamanca. Segun e director, na Spaña nan ta sinti nan mes sigur, nan ta gusta e calidad di bida y nan ta sacando tur nan placa for di Venezuela”.
Fuente: www.bloomberg.com