MARACAIBO, Venezuela (AP) — Habitantenan di Maracaibo, un ciudad conoci un tempo como Arabia Saudita di Venezuela pa su rikesa grandi petrolero, awo ta para den rij pa cumpra carni putri. E frigidairenan ta faya pa e cortenan di coriente cu ta sufri desde 9 luna pasa pero cu recientemente a bira pio.
Algun ta bira malo pa come carni putri, cu ta wordo bendi na prijs hopi aboa, y ta e unico forma pa cumpra proteina door di e crisis profundo cu e pais ta bibando.
“E ta hole un poco malo, pero e ta wordo laba cu’n poco di binager y lamoenchi”, Yeudis Luna, tata di tres muchanan cu ta cumpra pida carni putri den un carniceria den e di dos ciudad di e pais.
E Venezolanonan ta bibando e pio crisis economico den historia di e nacion petrolero. E servicionan basico manera awa y coriente a bira manera un luho.
E presidente di e pais, e socialista Nicolas Maduro, ta culpa e problemanan di su pais na e guerra economico hiba pa Merca y otro potencianan capitalista. Omar Prieto, gobernador di e estado Zulia, unda Maracaibo ta situa, a declara recientemente cu nan ta drechando e blackoutnan, pero habitantenan no ta nota niun cambio.
Na randi di un lago largo, e ciudad portuario di Maracaibo a sirbi, cu un dia a sirbi di centro di produccion petrolero, generando casi e mita di petrolero cu ta wordo exporta pa mundo.
Un brug over di Lago Maracaibo ta sirbi como recordatorio di e temponan bon. E structura, di ocho km (5 miya) di largo cu a wordo construi y tabata briya den oranan anochi, cu miles di lusnan, e tabata uni e ciudad cu e resto di e pais. Maracaibo tabata limpi y yena cu restaurantnan internacional.
Awendia, e lusnan di e brug ya no ta funciona y e plataformanan petrolero kibra ta drief den un lago cu na canto ta sushi. Luganan cu un tempo tabata centronan comercial luhoso a cay den ruina a cera nan portanan y a bay for di e pais.
Durante e ultimo añanan, e residentenan di Maracaibo tabata sufri di black outnan uno tras di otro, pero e situacion a bira complica 10 di augustus, ora cu’n candela a destrui un di e liñanan principal cu tabata abastece 1,5 miyon habitante di e ciudad.