CARACAS, Venezuela- Miles di Venezolano den exterior diadomingo a lanta bay vota den masa na nivel mundial den un votacion no vinculante contra di e gobierno di Nicolas Maduro pa exigi e mandatario socialista eleccionnan presidencial delanta.
Venezolanonan, den mayoria opositor, tabata expresa nan posicion den restaurantnan, plaza, clinica, misa y sede di partidonan politico den mas di 200 ciudad rond mundo, den un consulta cu ta spera por comberti den un demostracion di forsa.
E vota a wordo yama pa desafia e plannan di gobierno di celebra eleccionnan dia 30 di JUli, pa convoca un Asamblea Nacional Constituyente, cu e obhetivo di modifica e consitucion.
MADRID
Na Madrid, unda cu mas o menos 30 mil Venezolano a acudi pa haci uzo di nan derecho di vota, entrenan algun figura opositor di perfil halto, e centronan di votacion a habri 8 or di mainta, hora local. Un di e personahenan na Spaña ta Mitzy Capriles de Ledezma, casa di e ex- alcalde di Caracas, Antonio Ledezma, cera na Venezuela acusa di conspiracion.
ROMA
Cientos di votantenan Venezolano a acudi pa vota riba e piazza di Risorgimento, unda e ta ta di e opositor Leopoldo Lopez, cu recientemente a wordo permiti pa sigui cu su condena bou di huisarrest, tabata saca potret cu algun di su compatriotanan.
“E mensahe mas cla cu mundo henter ta mandando ta pa skucha e pueblo. Ta un gobierno sordo, cu no ta skucha (..) E pueblo ta manifesta riba caya y gobierno ta contesta door di tiranan mata.
ARUBA
Aki na Aruba tambe un gran cantidad di Venezolano for di oranan trempan a bin para den rij pa asina haci uzo di nan derecho di voto. Cientos di hende para den rij pa asina expresa nan malcontento cu e gobierno di Nicolas Maduro.
CRISIS
Venezuela ta pasando un di e crisisnan mas pio di su historia. E recesion economico grave , cu’n inflacion di tres digit y e escasez di bienes, y ta bin acerca e olanan di protestanan contra di gobierno di Maduro cu ta den su di tres luna y ya casi 100 hende a perde nan bida. Segun oposicion, Maduro a hiba e pais na un “dictadura” , unda ta pone disidentenan den prizon y a viola e derechonan humano. Di otro banda, e sucesor di e fayecido lider Venezolano, Hugo Chavez ta sigura cu su oponentenan ta buscando pa sak’e for di poder.