Diadomingo merdia riba WVB net pabou di aurora ta sosode un accidente fuerte unda tres auto tabata envolvi, di biaha a mobilisa polisnan cu urgencia p’e sitio. Na yegada di patruyanan ta topa cu un hyundai van taxi riba e isleta cu tin memei caminda cu varios turista abordo, y riba caminda un otro hyundai creta taxi pega riba un kia rio.
Segun varios version di automobilista cu e hyundai van Tx-322 tabata coriendo sumamente duro biniendo for di zuid cu e turistanan abordo, y riba dje coriendo banda robes di caminda, y e dama chauffeur taxi den e creta den su banda drechi a bay pa subi e banda robes, pero mirando cu e otro vehiculo tabata leu pero tabata invano unda aki distancia a hunda un rol y a dal den otro. Segun chauffeur di e kia rio tabatin un fila di auto su dilanti debi cu tabatin e parada di futbol y e no por caba di compronde pakico e taxistanan aki ta core asina duro mientras cu tabatin un fila di auto yegando e rotonde Cumana.
Polis a tuma dato di e accidente y di e testigonan, na final takelwagen a kita e auto for di e isleta pega.