Diasabra den careda di 5 or mainta poco pabou di e rotonde na Pos Chikito caminda principal a sucede un accidente basta fuerte. Patruyanan cu urgencia a presenta na e sitio debi cu un auto a bolter. A topa cu un auto riba su dak y un nissan silvia kibra den e mondi. Prome cu e accidente a sucede un testigo ta comenta na autoridad cu ambos auto tabata biniendo pariba riba un velocidad halto, y aki e auto a brake debi na trafico contrario y pone cu e silvia a bin dal basta duro su tras y pone e auto bolter. A resulta cu e chauffeur di e silvia no tin ningun documento di e auto ni rijbewijs. Ambulance a presenta pa atende cu esnan herida.