CIUDAD DI VATICANO, Vaticano- E organisacion terorista a publica un aviso propagandistico nobo, unda e ta priminti cu lo tin “sanger di pasco”.
Un imagen nobo di Estado Islamico, difundi door di e Fundacion Wafa Media, un anexo di e grupo terorista, ta mustra un persona bisti cu mascara tras di stuur di un auto cu ta dirigi su mes pa e basilica di San Pedro na Vaticano. Den e asiento di e acompañante tin un rugtas y un arma di candela.
E imagen ta bay compaña pa e frasenan “Sanger di Pasco. Asina ta, spera riba dje”. Esaki ta wordo publica diamars ariba e webpage di e organisacion SITE Intelligence Group y lo por wordo considera un yamada pa accion pa e “lobonan solitario”.
Aña pasa, para di dia prome cu Pasco, dia 19 di December, e terorista Anis Amri a irrumpi cu su truck den un mercado di Pasco di Berlin, Alemania cual a laga 12 persona morto y decenas di herido. Amri ta pertenece na e Estado Islamico, segun un video distribui despues pa e grupo terorista.
Fuente: https://actualidad.rt.com