Awe ta un dia deportivo yena di emocion cu diferente wega di futbol na nivel internacional.
Pa cuminsa tin Copa America cu ta cerca di cas. Awe tin dos wega interesante cuminsando pa 5’or di atardi cu esun di Brazil vs Venezuela. E ultimo aki a enfrenta diferente contratiempo cu hungadonan cu a test positivo ora cu a yega pa Copa America. Pa 8’or di anochi tin e debut di Colombia contra Ecuador, cu tambe lo hala hopi atencion.
Na mesun momento ta tumando luga Euro Cup, den cual Hulanda tambe ta participa. Awe tin tres wega di cual esun cu mas ta hala atencion aki na Aruba ta Hulanda vs Ucrainia. Mainta ta hunga Inglatera contra Croacia y 12’or ta Austria vs Nort Macedonia.
E wega di Hulanda lo ta pa 3’or di atardi.