Awe den oranan di merdia varios unidad policial a wordo manda na EPB San Nicolas pa un pelea formal.
E prome informe cu por a scucha eybou tabata cu algun mucha homber lo a bin busca problema cu algun alumno y tabatin tiramento di piedra. Pero e informe aki no por a wordo confirma por medio di ningun victima.
Loke si por a confirma ta cu tabatin un pelea, pero na momento cu a tende cu polisnan ta na caminda, tur e bringandonan a bandona e sitio.
A base di informacion ricibi, a cuminsa un buskeda den e area. A para sigur dos auto pa control. pero no a topa cu nada extraordinario den e auto of no por a confirma cu nan tabata envolvi den e pelea.