Willemstad Curacao: Djamars 21 di yüni 2022 alrededor di 03.35’or, Sentral di Polis a risibí notifikashon di un kaso di tiramentu ku a tuma lugá den Zapotekenweg.
Na yegada di e unidat polisial, el a hasi un investigashon preliminar na e sítio i a tuma nota ku deskonosínan a pasa i lòs diferente tiru riba algun apartamentu na e adrès ariba menshoná.
Polis a konstatá alrededor di 22 perforashon di bala i algun kashi di bala bentá abou. Investigashon den e kaso aki ta kontinuá.