SAN SALVADOR, El Salvador- E Departamento di Proteccion Civil di El Salvador diadomingo a activa e alerta oraño y geel den e departamentonan di e zona oriental di e pais. Esakinan a wordo afecta pa un gran cantidad di actividad sismico localisa entre e municipionan di Chirilagua y Intipuca.
E Ministerio di Medio Ambiente y Recursonan Natural (MARN) a informa cu a registra al menos 348 actividad sismico a wordo raporta den e zona desde cu e actividad a cuminsa diasabra 5 di mei pa 6 or di atardi. Di e total di sismonan, 47 a wordo raporta cual a wordo sinti pa e poblacion y e magnitud ta varia di entre 2,4 y 5,6.
Director di Proteccion Civil, Jorge Melendez, a duna un informe riba e dañonan causa pa e fenomeno, segun cual tin 172 cas cu a sufri daño den ambos municipio y 11 cas destrui na Chirilagua.
Tambe, e director a raporta cu’n menor a resulta herida y a wordo transporta pa hospital cu golpinan leve na cabes.
Fuente: https://actualidad.rt.com