Recientemente tabata tin reunion di Grupo Nucleo, cu ta consisti di por lo menos 24 grupo social di 60+ di diferente bario. Ta mira cu 60 plussers ta hopi activo, segun Rudy Leysner.
A papia di diferente punto. Cede Aruba a trece su punto con e por yuda e diferente instancianan pa yega na cierto fondo pa cierto actividadnan. Grupo Nucleo tambe lo trece dilanti e actividadnan cu conhuntamente por celebra manera Arte di Palabra, celebracion di Dia di Hende grandi. Diferente actividad cu por haci algo nacional hunto.
Leysner a sigui splica cu nan a haya hopi informacion di gruponan, kico nan trabaonan nan ta haci. Tin hopi hende ainda cu no kier sali for di cas, cu tin 60 aña. E cantidad no ta conoci, pero sa si cu hopi hende ta biba nan so y nan no ta sali for di cas. Akinan nan por join cerca diferente organisacion cu ta traha cu hendenan di 60+.
Leysner a sigui splica cu a papia mas riba diferente punto con pa saca e personanan for di cas. Hopi hende cu bay cu pensioen, nan kier keda haci actividad y ta forma grupo den nan districto y esey ta un bon idea y un bon iniciativa di nan parti. Grupo Nucleo ta wak den ki forma por yuda tambe, a base di experiencianan cu nan tin pa varios aña caba trahando cu hende grandi y trahando cu gruponan social.
Un di e puntonan cu a restalta ta transporte, pa hiba e personanan e diferente luganan. Esey ta un problema hopi grandi, cu e grandinan no tin hende pa hiba nan pa un actividad. Na un luga. Esey hopi biaha tur e instancianan ta bisa ke hubo pa tin un bus of dos bus cu por recoge hende pa hiba nan na cierto centronan. Esey ta un kernpunt. Tambe tin diferente punto cu nan ta bisa cu e infrastructura no ta traha pa hende grandi y tambe cu cierto banconan tambe mester duna mas cooperacion pa e hendenan aki. No ta husto cu un hende di 80 aña tin cu warda tanto asina prome cu e wordo atendi. Segun Leysner, mester haya cierto preferencia den trato. Si bay parti mundial, bo ta wak na banconan nan tin e liña preferencia den e grandinan. Tin como 20 punto traha cu pa otro aña grupo Nucleo lo bay organisa un forum cu politiconan pa bisanan e puntonan cu e grandinan a trece dilanti cu kier pa wordo mehora.