NAHUALA, Guatemala- Un truck a atropeya un multitud di Guatemalteconan indigena cu tabata reuni den un caretera. Esaki a laga 18 persona morto, mientras cu e truck tabata aleha sin sikiera para, cual a provoca cu e pais Centroamericano den un profundo lamento diahuebs.
Gobierno a anuncia tres dia di luto despues di e incidente diaranson anochi, den e ciudad occidental di Nahuala, cual poblacion di rond di 65 mil persona, den mayoria Maya K’iche ‘.
Un grupo di persona a reuni den e entrada den e ciudad, na unda otro accident, un hit & run, unda cu e lider di e comunidad local a fayece. Na nan turno, nan a wordo gedal pa un truck cu tabata bin su luznan paga den un caya sin iluminacion.
E imagennan escalofriante di e escena tabata mustra curpanan di e victimanan cu nan paña cu colornan briyante poni den un liña riba e asfalt, mientras cu famianan tabata gritando di desesperacion.
“En total, a conta un total di 18 morto den e tragedia aki”, e vocero di e departamento di bombero, Cecilio Chacaj, a bisa.
“E luga tabata un caos, y curpanan sin bida tabata montona un ariba otro”.
Tres di e fayecidonan tabata mucha, Chacaj a bisa.
Den e accidente aki, otro 20 persona a resulta herida, di cual varios di nan di gravedad y a wordo atendi den hospital.
E chauffeur di e truck a scapa despues di accidente, pero e vocero di e polis, Pablo Castillo, a bisa e reporteronan cu’n patruya a logra deten’e despues di un persecucion na un speed halto.
E homber a wordo identifica como Pedro Rene Lorenzo Lopez, di 28 aña, cu lo tabata tras di stuur di un truck blamco y preto, cu strepinan geel, involucra den e incidente.
“Pa rasonnan desconoci, el a dal den varios persona lagando 18 persona morto, incluyendo un mucha menor di 8 aña”, Castillo a bisa.
Gobierno di Guatemala a anuncia tres dia di luto cual a cuminsando diahuebs mientras cu presidente Jimmy Morales a tweet palabranan di condolencia.
Reglanan di trafico ta wordo ignora frecuentemente na Guatemala, un nacion di 16.5 miyon habitante.