Durante un rueda di prensa yama pa ASU, Gerald Franca a menciona recorido loke ASU Olimpiada tabata y tambe informa cu e clausura a wordo hala di fecha debi na e awasero cu tabata tin y esaki lo ta dia 11 di December, den Centro Deportivo Betico Croes y ta spera tur invitado y miembronan di prensa cu lo bay ta presente.
E aña aki a haya den apertura tabata tin 15 federacion cu a participa den desfile y tin hende cu a haya hende cu a wordo eligi den Excelencia den Deporte. Tabata tin personanan di Paralympics cu a bay Rio. Tur di nan a participa y por ultimo RCA a bin cu su ekipo di futbol cu a bira campeon. Nan a duna un bunita presentacion. Tabata hopi alegre, segun Franca. A cumpra un cantidad grandi di medaya. Tabata tin 1100 medaya y a haya 22 federacion, cu a participa cu nan programa di actividad den ASU Olimpiada. Esaki, normalmente ta yega na 18 of 19 federacion. E biaha aki a haya mas y debi na esaki a busca un manera pa busca mas medaya y esaki a yega na 250 medaya mas pa completa loke ta e necesidadnan.
Ademas por bisa tambe cu e presentacion di e actividadnan, a tuma luga manera debe ser. Nan a cumpli cu nan schedule cu nan a traha y e actividadnan a bay hopi bon. A haya tur resultado. Pa e clausura lo bay duna reconocimento na varios persona cu a sobresali den diferente deporte den pasado. Tin entre otro hendenan cu a traha den directiva, otronan cu tabata como atleta y tambe hendenan cu a tuma activamente como miembro di bestuur di ASU.