VALPARAISO, Chile- E victimanan ta proviniente di e localidadnna di Quintero y Puchuncavi, na Valparaiso. For di varios decada caba nan ta wordo afecta pa e plantanan industrial den e zona.
Den e ultimo dianan a registra mas di shen caso di intoxicacion na Quintero y Puchuncavi, dos localidad costero di e region Chileno di Valparaiso.
E hechonan ta debi na e contaminacion di aire produci pa kita e “alerta geel” y dialuna scolnan a cumisna bek. Sin embargo, diamars, e funcionario a solicita un biaha mas e declaracion di “zona di emergencia”.
Pero esaki a wordo cuestiona pa otro dirigenteann politico preocupa pa e situacion ambiental. E senador Francisco Chahuán a exigi presidente Sebastian Piñera, pa hisa e nivel di gravedad y declara e zona directamente como un “zona di catastrofe”.
Den e area tin un parke industrial cu ta conta cu 17 planta cu ta wordo señala pa habitantenan como responsabelnan di e situacion ya pa varios aña.
Den e ultimo simannan, ya mas di 600 persona a wordo afecta.
Daniela Siegmund, directora di e hospital di Quintero, cita pa El Mostrador cu e “sintomanan principal” di e ultimo dianan “ta e mesun cu e episodionan anterior”. Entre nan ta destaca “dreimento di cabes, migraine, debilidad muscular y dolor abdominal”.