Diabierna pasa di 12’or marduga riba e caminda di Cura Cabay pa Brazil a sucede un accidente di auto basta fuerte pabou di Hoy Sing Loy cu a laga varios persona herida, pa falta di preferencia y velocidad halto.
Ta trata di un toyota altezza bayendo direccion pariba y yegando e t-weg, un chevrolet spark a subi caminda for di pazuid y no a duna preferencia cu consecuencia e autonan a dal basta duro contra di otro, velocidad di e toyota altezza sigur tabata halto na con e autonan a keda, y e altezza a bay dal riba un van staciona banda di caminda. E bateria di e spark a bay bula algun meter basta leu di e impacto.
Unidad di rescate di Brandweer a presenta pa asina corta un porta di auto pa saca persona herida for di den auto, tabatin basta unidad di ambulance pa atende cu e 4 heridonan. Den e spark tabatin un baby herida y cu auto particular a hiba esaki hospital. Na Final deparamento di trafico a bay midi e lastro di brake di e altezza y tin remarca cu a midi mas cu 40 meter, cu ta indica cu e chauffeur di e altezza tabata coriendo auto basta duro.