FLORIDA, Merca – Na varios ciudad di Merca polisnan ta investigando incidentenan relaciona cu e mandamento di email cu menasanan di bomb. Diahuebs a bira conoci cu autornan di e emailnan ta exigi pagonan den bitcoin na negoshinan na New York, Oklahoma City, San Diego y Chicago, entre otro.
E caso di email cu menasa di bomb a wordo raporta na estadonan manera Florida, New Jersey, Iowa, Illinois y Massachusetts. Mas di un docena di menasa di extorsion a afecta negoshinan na Miami, Fort Lauderdale y Pompano Beach en el sur de Florida, mientras al menos tres caso a wordo raportados na Orlando.
Polis di e ciudad di Cedar Rapids (Iowa) a declara cu varios negoshi local a ricibi email unda cu ta exiginan pa realisa pagonan den bitcoin. Den caso cu e doño nenga, esun cu a manda e email ta alerta pa un menasa di bomb contra su negoshi.
Den e localidad di South Elgin, Illinois un empresa a ricibi un email unda cu tabata airma cu tabata tin un bomb den su edificio y cu pa su mesun siguridad nan lo mester a transfer 20 mil dollar pa un cuenta di bitcoin na final di e dia laboral. Polis a afirma cu e incidente ta parce un estafa estilo ‘phishing’ cu ta afecta varios negohsi na Illinois, segun NBC Chicago.