ROMA, Italia- Mas di 30 inmigrante, mas tanto mucha, a muri hoga diaranson ora cu casi 200 persona sin salbabida a cay for di un boto na e costa Libio, den lama Mediteraneo prome cu socoristanan por yudanan.
Un di e varios barconan cu tabata cerca di un embarcacion di rescate a bolter diripinete y hopi di e inmigrantenan a cay na awa. “Nos a wak por lo menos 20 cadaver den awa”, e comandante di wardacosta Italiano, Cosimo Nicastro a declara.
Di su banda, e grupo di rescate MOAS a bisa cu nan a recupara mas di 30 cadaver. “Mayoria di nan ta muchanan chikito”, e co- fundador di e grupo, Chris Catrambone a bisa, riba Twitter.
Mas di 1.300 persona a muri e aña aki den e cruce mas peligroso di mundo pa e inmigrantenan, cu ta huy di pobresa y di e guerra na Africa y Medio Oriente.
Den e ultimo simannan, mas di 7 mil inmigrante a wordo rescate di embarcacionan poco sigur den awanan internacional west di Lybia, for di unda traficantenan di sernan humano ta opera cu impunidad.
Fuente: www.reuters.com