KARATU, Tanzania- Den un accidente di bus na Tanzania cerca di 35 hende a perde nan bida, entre cual 32 mucha. Mas mucha a resulta herida. Dos docente y e chauffeur di bus tampoco a sobrevivi e accidente.
E bus a cay den un precipiciio na Karatu. Segun un vocero regional di polis, e bus tabata coriendo ariba un caminda cu un bahada skerpi y awa tabata yobiendo.
Den e bus tabata tin muchanan di 12 y 13 aña for di e ciudad Arusha. Nan tabata bayendo pa un otro scol.
E president di Tanzania John Magufuli a bisa cu esaki ta un tragedia nacional. Entre 2014 y 2016 tabata tin mas di 11 mil persona cu a perde nan bida den accidentenan di trafico.
Fuente: ANP