CIUDAD DE MEXICO, Mexico – Por lo menos 32 mucha y cinco adulto a muri den e scol Colegio Enrique Rébsamen na Ciudad de México, despues di e temblor di magnitud 7.1 cu a sacudi e centro di e pais, segun informenan di medionan local diaranson.
E tareanan di rescate a sigui durante henter anochi den e scol aki, cu tabata un di e casi 40 edificionan cu a cay aden den e capital door di e teremoto di e magnitud di 7.1 riba e scala di Richter.
Segun e cadena di television Televisa cu ta cita fuentenan oficial, ya nan a logra rescata 41 persona cu bida y ta calcula cu ainda tin hopi mas bou di e ruinanan.
Ehercito y Marina, cu ta na cabes di e operativo di buskeda entre e ruinanan, a informa di cu mayoria di esunnan cu a wordo rescata a wordo hiba pa un hospital civil y algun pa hospital di Marina Mexicano.
Mas di 200 persona a perde nan bida den e temblor aki cual a sosode exactamente 32 aña despues di esun di 19 September, 1985 cu a causa desaster na Mexico.
Fuente: http://www.ntn24.com/