JAKARTA, Indonesia- Al menos 30 persona, entre cual varios mucha, a muri diabierna den un candela den un cas cu tabata wordo uza tambe como un deposito di suafel na Indonesia, segun autoridadnan a informa.
“Nos no sa kico a causa e candela, pero el a wordo paga caba”, e responsabel di proteccion civil di e provincia di Sumatra Septentrional (noord), Riadil Lubis, bisando cu al menos tres mucha a muri den e candela aki.
E agencia AFP a bisa cu e potretnan di e tragedia tabata mustra cadavernan gris poni un ariba otro, mientras cu riba imagennan di television por a wak columnanan di huma bayendo halto den e localidad di Binjai, n Sumatra Septentrional.
“Ora cu mi tabata cla pa bay oracion tabata tin un explosion fuerte”, e bisiña Budi Zulkifli a bisa.
“Probablemente nan lo a hiba e muchanan bay traha cu nan”, Irwan Syahri, hefe di proteccion civil di Langkat, a declara, splicando e morto di e muchanan.
E funcionario a splica cu e cadavernan tabata “hopi kima y tabata dificil pa wordo reconoci”.
Candelanan cu gran cantidad di victimanan ta frecuente na Indonesia pa standardnan pober di siguridad.
Na 2017, al menos 46 persona a muri y mas di un docena a resulta herida den un candela na Yakarta.
Ademas, 17 persona a muri den e candela den un bar di karaoke riba e isla Celebes na 2015.