WASHINGTON, Merca- Un tres a sali for di su railnan y varios wagon a cay ariba un caminda di e estado di Washington, noordoost di Merca. Esaki a sosode dialuna mainta, casi pa 7 or y 30 di mainta.
E wagonnan di e trein, di e compania Amtrak, a desvia for di un viaduct y a cay ariba e autopista I-5, p’afo di Seattle, capital di e estado.
“Nos sa cu tin victimanan mortal”, segun medionan local Ed Troyer, vocero di e Oficina di Sherrif di e condado di Pierce, sin specifica e cifra.
Amrtrak a raporta, cu ademas, e incidente a laga personanan herida. Pero te na e momentonan aki, autoridadnan no a confirma e cantidad exacto di morto.
E servicio di emergencia tabata na e luga, segun e compania di transporte a splica den un comunicado.
Chris Karnes, pasahero di e trein, a bsia cu pa el a sali for di e wagon, e mester a scop e bentana di emergencia.
“Nos por a skucha e autonan ta kraak y kibra, y awa tabata sali for di e dak”, el a agrega.
E trein 501 tabata biaha di Seattle pa Portland, den estado di Oregon, e compania a bisa. Tabata tin 78 pasahero y cinco tripulante den e trein, segun Amtrak.
E wagonnan tabata pasando pa prome biaha pa riba un pida nobo di e caminda cu ta core paraleel cu e autopista interestatal 5.
E servicio di trein di Seattle a keda suspendi.
Gobernador di estado di Washington, Jay Inslee, a declara un estado di emergencia den e condadonan di Pierce y Thurston pa atende e afectadonan pa e accident aki.
Fuente:http://www.bbc.com/mundo