PUEBLA, Mexico – Por lo menos 14 persona a fayece y mas of menos 30 a resulta den un explosion registra den un almacen di vuurwerk den e estado di Puebla, den centro di Mexico, fuentenan oficial a informa diamars.
E explosion a sosoden e anochi di dialuna den e comunidad di San Isidro, den e municipio di Chilchotla, unda cu decenas di persona tabata realisa preparativonan pa e fiesta patronal cu lo wordo celebra e proximo 15 di Mei, e Gobierno di Puebla a indica den un comunicado.
E explosion a keda registra den un vivienda di dos piso ubica na banda di e Iglesia principal, ora cu un racket a wordo tira pa personanan cu tabata den e exterior, a cay den e deposito, di acuerdo cu e prome investigacionnan.
Nuebe persona a fayece na e luga di e hecho y cinco mas na hospital di e localidad, mientras cu por lo menos 30 a sufri herida, mayoria di e kemaduranan tabata di di dos y tercer grado.
E vocero di e Gobierno estatal, Javier Lozano Alarcon, a deaya cu di e 14 fayecidonan, 11 tabata mucha.
Den declaracion na medionan local, e funcionario a splica cu 22 persona herida a presenta traumatismo craneoencefalico severo, kemaduranan di tercer grado y fractura na pia. A detaya cu cuater menor a wordo translada pa e Hospital del Niño Poblano (HNP), dos adulto na e Hospital General del Sur de Agua Santa y seis a wordo canalisa pa e Hospital de Traumatologia Rafael Moreno Valle, tur di nan situa den e capital di estado.
E gobernador di Puebla, Antonio Gali, y e secretario di Siguridad di estado, Jesus Morales, lo wordo traslada den e proximo oraan pa e luga di e accidente.
“Nos lo bay facilita cos pa e famianan, no lo bay tin necropsia pa ningun di e fayecidonan, entrega e cahanan di morto, nos lo bay atende cu esaki, ta un hecho hopi lamentabel,”Lozano Alarcon a afirma.
E Secretaria di Salud di e estado a informa cu a traslada un dozijn di e vehiculonan di atencion medico na e luga di e hecho y procedente tambe di otro localidadnan.
E suceso ta recorda loke a sosode na December ultimo na Tultepec, den e centrico Estado di Mexico, ora cu un explosion en e mercado pirotecnico di San Pablico, cu a laga un saldo di 42 persona morto, 26 di nan na e luga di e hecho y e resto na varios hospital.
Fuente: NTN24