Na Warsaw, Polonia, varios manifestante a cuminsa protesta ora cu gobierno ‘derechista’ di Polonia a cuminsa pa prome biaha restriccion di derecho di abortus. Polonia tabatin un ley di aborto mas estricto di Europa.
E sentencia lo nifica cu e unico motibo legal pa aborto lo ta si hende muhe a wordo abusa sexualmente, of incest of si e bida di e hende muhe ta den peliger. Lider di e Partido gobernante politico mas poderoso di e pais, Jaroslaw Kaczynski, a bisa cu kier pa e feto cu no a nace, duna nan un bautismo, nomber pa por dera nan.
E cambio aki, a pone cu e rabia den hende muhe y hende homber a sali bay protesta na henter e pais. E mayor movimiento di protesta despues di tres decada cu e comunismo a cay.
Na cuminsamento, manifestante a cuminsa interumpi den iglesia, of pinta cu spray den na e murayanan. Sinembargo esaki a baha mirando cu e reaccion di un Sociedad unda hopi ta aprecia e tradicionnan catolico.
E protestanan ta sigui den caya, nan ta nenga di wordo kita pa autoridad of pa e pandemia. “Mi awa a kibra, mi ta dunando lus na revolucion”, a bisa un protestante.