OTTAWA, Canada- Al menos 14 persona a muri y 14 otro a resulta herida diabierna den un accidente di bus cu tabata transporta e ekipo hubenil di hockey Humboldt Broncos rumbo pa e provincia di Saskatchewan. Akinan nan mester a hunga un partido.
E accident a tuma luga na 30 km noord di Tisdale. E vehiculo a boks frontal contra di un truck, segun polis a informa.
Tres di e heridonan ta den estado critico, segun medionan local Saskatoon StarPhoenix. Den e bus tabata tin un total di 28 persona, di cual 14 a fayece, incluyendo e chauffeur.
Hockey na Canada ta loke baseball ta na Merca, e no ta solamente un deporte pa Canada, pero pa e comunidadnan chikito y lehano, esaki ta tur loke nan tin.
Prome Minister di Canada, Justin Trudeau, a expresa su condolencia ariba su cuenta di Twitter: “Mi no por ni imagina loke e mayornan ta pasando aden”.
Edad di e hungadonan tabata varia di 16 pa 21 aña.
Fuente: http://www.bbc.com