GAVA, Spaña – Un homber a tira indiscriminadamente cu un arma largo, cu ta presumi di lo ta un Kalashnikov, den un funeraria di e municipio Spaño di Gava, cercano na Barcelona y a laga varios herido, entre nan, dos polis local, por lo menos uno di gravedad.
E dos oficialnan herida tin 50 y 62 aña, un di nan a wordo herida na su pia y e otro na su kaak. Ambos a wordo hiba na e hospital di Bellvitge, di acuerdo cu e prome informacionnan, nan bida no ta core peliger.
Autor di e tiroteo a wordo deteni di acuerdo cu medionan local.
Autor di e tiroteo a wordo deteni di acuerdo cu medionan local.
E corant Spaño, La Vanguardia, a indica cu e asaltante a huy den un auto Alfa Romeo 156 di color berde y a wordo haya na Canyelles. Di acuerdo cu e medio aki, e atacante a wordo rondona pa autoridad y a keda arma y cera den un urbanisacion.
Ademas, e prome teorianan ta indica cu no ta trata di un atentado terorista. E homber cu a perpetra e atake, lo a keda herida, tira door di e polisnan.
Medionan local a informa cu e responsabel di e atake ta un hende homber, color bruin y barba, cu tabata tin un camisa y carson preto. Di igual forma, a indica cu lo tabata trata di un ciudadano Spaño.
Segun e corant El Periodico, e tiroteo a keda relaciona cu e asesinato di un homber di 63 aña cu a aparece morto di un disparo den su cas, curpa di e homber tabata na e escena di e tiroteo.
E homber tabata tin un arma largo y por lo menos cinco peña.
Fuente: www.ntn24.com