NEW YORK, Merca- Un tiroteo den e hospital Bronx- Lebanon na New York a laga por lo menos cinco victima, entre nan e sospechoso di e atake y un muhe cu a wordo haya morto cerca di dje.
Tres di e cinco victimanan ta den estado grave door di heridanan di bala, segun un fuente policial a bisa CNN.
E atacanta a comete suicidio. Polis di New York a confirma tambe, cu tabata tin varios tiro paden di e hospital y a pidi bisiñanan pa evita e area rond di e hospital.
A haya sanger riba e murayanan y tambe ariba e trapinan.
Alcalde di New York, Bill de Blasio a bisa den un conferencia di prensa cu e tiroteo no ta un acto di terorismo.
Polisnan ta kere cu e atacante ta un ex- empleado di e hospital, segun fuentenan policial.
Fuente: www.cnnenespanol.com