MADRID, Spaña- Polis Nacional di Spaña a detene varios futbolista di e prome y di dos division di e pais pa nan presunto involucracion den un organisacion criminal dedica na regla partidonan di futbol pa faborece betnan deportivo.
E ex hungado di Real Madrid y di Rayo Vallecano Raul Bravo ta wordo acusa di e ta lider di e organisacion. Otro futbolistanan manera Borja Fernández, recientemente retira for di Real Valladolid; Samuel Saiz Alonso, di Getafe, of Íñigo López Montaña, di Deportivo de La Coruña, tambe a wordo aresta.
Deteni tin tambe e presidente di e Sociedad Deportiva Huesca, Agustín Lasaosa, y e hefe di e servicionan medico di e mesun club, Juan Carlos Galindo Lanuza.
Tur e detenidonana ki ta wordo acusa di di ta pertenece na un organisacion criminal, corrupcion entre particularnan y labamento di placa.
E investigacion cu a conduci na e detencionnan aki a wordo lidera door di e Unidad di Delincuencia Specialisa y Violento (UDEV).’