Diasabra prome y durante y despues di Caiso and Soca, Unidad Motorisa a controla riba camindanan principal pa velocidad halto, brommernan sin documento y/of sin rijbewijs, alcohol y luz . Unidad motorisa a controla ongeveer 100 auto di cual 25 a haña boet pa velocidad halto, 3 pa falta di luz dilanti.
Un sportbike cu tabata haci hopi desordo 4or di madruga den Sabana Basora a wordo confisca. For di rotonde Pos Chiquito e unidad mes por a scucha con e motociclista tabata molestia full e bario di Pos Chikito y Sabana Basora. Tacticamente e polisnan di brommer a bay na e sitio y den e bario mei mei di e complex na Sabana Basora Noord a logra blok e caminda full pa e no sigui core y asina e logra confisca e motorcycle pa falta di documento y hoben chauffeur tampoco tabata tin un rijbewijs valido. Cu esaki unidadnan motorisa a haya un compliment di e bisiñanan cu tabata fada di basta tempo di e situacion aki. Unidad Motorisa lo sigui cu su controlnan durante tur actividad di carnaval prome durante y despues.