LONDON, Gran Bretaña- Autoridadnan ta recomenda mayornan pa revisa e parkenan caminda cu nan yiunan ta hunga y ta pidi e colaboracion ciudadano pa haya e autor di e hechonan.
Polis di e ciudadnan Britanico Ormskirk y Burschough a adverti mayornan di e zona aki di e presencia di blade di feita pega na e slipnan y stoelnan di zoya di un parke infantil di Aughton, den e condado di Lanchashire, segun un publicacion realisa diabierna riba su pagina di Facebook, caminda cu nan a publica un video di e potretnan di e bladenan.
Den e grabacion, cu a wordo comparti mas di 9400 biaha, por observa tres potret cu varios blade di feita pega cu tape riba diferente co’i hunga di e parke. Autoridadnan, cu ya ta investigando e caso, a recomenda mayornan pa nan keda alerta y pa revisa e parkenan caminda nan yiunan ta hunga. Di mes manera, nan a pidi e colaboracion ciudadano pa gara e autornan di e hechonan.
Hopi ta e internautanan cu a mustra nan rotundo rechaso y indignacion pa e acto incivico aki, y a sigura di no ta compronde “con hende por haci algo asina”.