Den fin di siman awa a yobe constante riba nos isla, tanto diabierna, diasabra y sin laga afo diadomingo. Awacero ta bendicion, pero e camindanan cu nos tin no ta wanta e guera aki y ta cuminsa kibra. Unda cu bo core nos camindanan ta lapi lapi, ta mustra e tipo di asfalt no ta wanta e yobidanan constante y ta kibra y despues di rato ta keda gelapi.
E caminda di Piedra Plat Jontai bay direccion pa Santa Cruz mester di atencion hopi tempo caba. Foi diasabra un buraco a bira grandi pa direccion pariba, varios auto a kap nan tire diasabra, diadomingo no tabata un excepcion mas di 3 auto nan tire a keda gekap, y roadservice a keda yama, unda despues bo tin cana e caminda di cruz pa DOW pagabo, mientras cu e obra publico ta keda den man di DOW, pesei pueblo ta paga belasting pa nos tin un infrastructura caminda den bon condicion.
Personal di DOW a presenta diadomingo anochi pone piedranan y santo pa wanta esaki te dialuna cu procesa afsalt pa e team di mainta haci e trabou di tapa e buraconan.
