BERLIN, Alemania- Dialuna polis di Berlin a detene un sospecho den cuadro di investigacion di e robo di pertenencianan personal di John Lennon, integrante den legendario cuarteto The Beatles.
“E sospechoso, di 58 aña di edad, a wordo deteni dialuna marduga na Berlin. Otro sospechoso ta biba na Turkia y al momento e ta no ta alcance di e medidanan di persecucion penal”, e vocero di e Oficina di Fiscal General di Berlin, Martin Stelner.
Varios pertenecia di e artista, entre cual su dagboek, a wordo horta na 2006 den e mansion di su viuda, Yoko Ono. Nan a reaparece pa prome biaha tres aña pasa den e capital Aleman, den man di un comerciante cu tabata bende cos horta (actualmente deteni).
Den cuadro di e investigacion, habri e aña aki, e posesionnan di e musico a wordo confisca como evidencia.
Oficina di Fiscal y Polis di Berlin ta sigui investiga e caso, cu ta trata di sospecho di fraude y di comercio cu productonan horta relaciona cu varios articulo saca di loke tabata e mansion di John Lennon, entre nan algun di su dagboeknan, segun e representante di e Fiscalia.