Diaranson, dia 19 di Juli, 2017, rond di 2’or y 5 di atardi, un patruya di e team general di mantencion di orden publico, a cuminsa un investigacion riba posesion di droga y arma cu a culmoina na un cas den e bario di Krakeel.
Na e cas en cuestion, polis a haci un entrada Hudicial. Durante di e control aki, polis a haya y a confisca:
Un arma di candela automatico.
Un pistool di marca Glock.
Cantidad di municion (bala skerpi)
Cantidad di saco grandi di marihuana
Un brommer, probablemente procedente di ladronicia.
Continuando cu e investigacion polis ahay un KIA Rio accidenta riba e tereno. Ora cu e agentenan tabata haci investigacion na e auto, aki a sinti un holo fuerte di marihuana den vecindario tambe. E momento ey nan a bay na un cas cu ta den construccion y no ta habita. e cas aki ta consisti di cuater camber di cual tres di e cambernan a fungi como luga di cultiva marihuana. Polis a constata cu tabata tin hortamento di coriente.
Mas leu, polis a haya un container riba e tereno cu den dje un auto Ford Edge y un cantidad di piesa di motor y body, cu probablemente ta procedente di ladronicia. A confisca tur e articulonan aki pa mas investigacion.
E investigacion den e caso aki ta continua.