POINTE BLANCHE, St. Maarten – E victima den e tiroteo fatal cu a tuma luga den Pointe Blanche Prison riba diaranson, dia 31 di Augustus, pa mas of menos 9’or di mainta, a wordo identifica como AOWJ (38). El a wordo haya den su cel cu varios herida di bala. El a wordo declara morto na e sitio door di dotker como resultado di e heridanan di bala cu el a haya. Despues di a ricibi informacion cu un tiroteo a tuma luga den prizon, Polis di St. Maarten, KPSM Emergency Dispatch, a manda varios patruya di polis, paramedico, detective y Departamento Forensico na e luga pa inicia un investigacion criminal. Como parti di e investigacion aki, un buskeda a tuma luga door di miembronan di Cuerpo Policial y lidera pa Ministerio Publico.
Durante e buskeda aki, varios articulo ilegal, incluyendo e posibel arma a wordo confisca. Varios aresto a wordo haci. Curpa e victima a wordo confisca pa autopsia.
E investigacion ta den full swing.
