Internacional Merca: Expertonan ta preocupa cu Mericano nan ta bezig ta los riba e medidnan y e progreso cu Merca ta cu e Corona virus.
Mas lidernan di estado ta suavisa medida nan e luna aki, na e mesun momento biahe nan a cuminsa subi, vakantie a cuminsa, y hopi Mericano nan ta cuminsa biaha na e region nan mas cayente pero caso nan di e Variante ta subiendo.
Migracion registrando basta hende na airport.
Migracion di Merca ta chek mas cu 1.3 miyon persona na airportnan riba diadomingo, kiermen mas cu 5.2 miyon persona ta biaha desde diahuebs. Esey ta lo mas cu hende a bula den e cuater dia nan prome cu e pandemia.
Vakantie na Florida a cuminsa tur e beachnan algun oficial di Miami Beach ta reportando cu tin hopi hende y e situacion ta bayendo for di man.
E ta un combinacion cu lo por tin resultado pa un otro aumento den caso nan.
Un variante lo domina pronto.
Medidanan lo ta crucial cu tin varios variante circulando, algun di nan mas contagioso cu otro.
E prome variante tabata esun di Reino Uni. y ta proyecta cu e lo bira dominante na Merca den luna di April.
Con e variante ta sprijt, ta ora bo laga bo defensa nan baha, no bisti mask, no laba man, mantene higiena. Investigadornan ta bisa cu e chens di muri di e variante ta 64% mas.
Cantidad nan di vacuna ta yega record.
Data ta bisa cu pa dialuna ta mustra cu e pais ta dal un averahe di 2.4 miyon di dosis di e vacuna pa dia.
Hopi Mericano nan ta bay pa nan di dos shot pa e vacuna.
Tin raporta cu por lo menos 37 miyon di persona lo a haya nan vacuna caba of ta bay pa nan di dos dosis di e vacuna.
Actual Merca a conoce riba 30 miyon caso. Morto ta riba 549.000 persona. Casonan activo ta riba 7.300.000 persona.