Variante Indio di COVID-19 a yega Reino Uni

Actualmente tin 77 caso positivo di e variante Indio di COVID-19 na Reino Uni, segun e ultimo cifranan di Public Health England (PHE).

Tin 73 caso na Inglatera y cuatro caso na Escocia di e variante di doble mutacion,  e vocero di PHE a bisa na CNN. E variante B.1.617 a wordo detecta pa prome biaha na India.

Ministerio di Salud di India a bisa cu e mutacionnan ey ta aumenta e infectividad y ta yuda huy di inmunidad.  E variante  a wordo designa como variante bou investigacion (VUI)  door di PHE. Mester bay haci un miho contact tracing y lo tuma tur e medidanan adecuado, e vocero a indica.

Actualmente, e variante di Reino Uni (B.1.1.7) ta e cepa dominante na e pais cu 209.492 caso confirma. Sin embargo, e porcentahe di personanan cu ta test positivo na e país ta bahando, e oficina di Estadistica Nacional a informa diabierna.

Comments

comments