Recientemente a habri su portanan Vapor Lounge Age Bar. Su propietario Sr. Renzo Ruiz a splica cu nan tabata tin prome Vapor Lounge, pero nan a dicidi di upgrade y bay den un luga mas grandi. Durante upgrading, nan a haci un research di kico e clientenan ta spera y kico nan ta verwacht di un Lounge.
Durante nan research nan a haya sa cu hopi di e clientenan ta buscando un luga pa dal un biña trankilo, cu muziek suave etc. Nan a dicidi tambe di upgrade nan calidad di biña y a dicidi di bin cu lo miho cu tin ariba mercado. Entre esaki tambe ta haya e “crab beer” cu ta masha popular aworaki ariba mercado internacional.
Sr. Renzo Ruiz a splica cu nan a haya comentario masha positivo durante nan soft- opening. Tambe e nomber ta un concepto relaciona cu e biña e.o., en general “Good Things Come With Age”. E tipo di clientela cu nan ta spera di atrae ta personanan cu ta gusta bebe un bon biña, den un ambiente trankil, sinta combersa comodamente. Parti pafo ainda, nan ta bezig cun’e pa nan por pone un teras.
Nan orarionan lo ta di 5 or di atardi en adelante, te cu 11 or di anochi, di dialuna pa diasabra. E lo ta un bon ambiente pa esun cu a caba di traha y ta busca un caminda, unda cu nan por relax prome cu bay cas.