Vanessa Tjon Kock: Lamentablemente no tin seriedad bou di nos hendenan

Alto Comisario Suplente di Cuerpo Policial Sra Vanessa Tjon Kock di Cuerpo Policial dialuna anochi durante conferencia di Gobierno a splica cu e cantidad di detencion cu tabata tin diadomingo ta ripara cu abase di e data cu ta keda registra door di Cuerpo Policial lamentablemente no tin suficiente seriedad y ni conscientisacion bou di nos hendenan. Pa tur hende sa cu e Toque de Queda aki ta dura te cu 31 Maart y tin hopi mas dia pa bay y e desaroyo di Corona Virus practicamente e medidanan lo bira hopi y hopi mas estrictor. Pa loke ta trata e actuacion di Cuerpo Policial nos lo sigui cu un actuacion fuerte y mirando cu unavez mas nos ta traha cu leynan y medidanan cu nos tambe tin cu usa den nos trabou. Sra Vanessa Tjon Kock ta pidi cada un persona pa tene cuenta cu esaki y lamentablemente e seriedad no t’ey ni bou di e grupo di hobennan y cierto momento cuerpo policial lo sigui na un manera basta fuerte.

Sra Vanessa a contesta un pregunta haci relaciona cu un video cu a cirucla riba red social tocante cu persona cu a keda deteni den su cura di cas. Sra Vanessa a menciona cu e articulonan cu nos ta uza pa traha cune den cuardo e toque de queda ta conoci pa polis y nos tin un cooperacion estrecho cu Ministerio Publico y ta palabra cierto articulonan prome cu nos actua. Loke si por indica ta cu nos ta ripara cu gruponan di hoben ta purba na haci e situacion mas dificil y mirando e den e caso aki ta tuma e toque de queda como un wega, y na e momento cu bo comete un delito automaticamente polis tin e autoridad pa detenebo y pa tene cuenta cu esaki cu tur actuacion di Polis ta den palabracion cu Ministerio Publico.

Comments

comments