Sra Vanessa Tjon Kock di Cuerpo Policial Aruba durante e conferencia di prensa su prome palabranan tabata cu e kier a manda un palabra di elogio pa tur e miembronan di Cuerpo Policial trahando durante e toque de queda y unda nan ta riesgando nan bida y nan famia y nan ser keri mirando con nan ta trahando oranan hopi iregular, y cu nan tambe por wordo infecta cu e virus aki debi cu nan tin cu atende cu comunidad.
No mester lubida cu hopi di nos cu ta wordo yama first responders awor tin un tarea hopi dificil y hopi comprometedor caminda nos tin cu cumpli cu leynan cu ta wordo stipula pa nos durante e toque de queda y esaki tambe ta conta pa tur e otro departamentonan cu tambe ta cay den e grupo aki, e.o un CEA, KIA, personanan cu ta traha na hospital cu ta dunando tur di nan parti pa por frenta e virus aki na Aruba.