ELMAR ta informa su clientenan di EV ChargeUp cu nos charging station na Pos Chiquito ta temporalmente cera debi na vandalismo continuo riba e station. E incidente a causa daño significativo, y mientras nos ta busca un solucion sostenibel pa garantisa seguridad y funcionalidad di e station, nos ta obliga pa cera e station temporalmente.
Nos ta compronde cu esaki ta un inconveniencia pa esnan cu ta depende regularmente di e station aki, y nos kier sigura cu nos ta trahando mas lihe posibel pa resolve e situacion y reactiva e station. Mientrastanto, nos ta invita nos clientenan den e area pa uza e charging stations mas cerca na:
– ELMAR San Nicolas
– Aeropuerto Reina Beatrix
Nos ta pidi disculpa pa e inconveniencia y ta gradici boso pa e comprension y apoyo continuo. EV ChargeUp ta e servicio di mas nobo na ELMAR, un charging station netwerk rond di Aruba, facilitando y promoviendo asina uzo di vehiculo electrico den nos comunidad door di inverti den e infrastructura necesario. Pa mas informacion, por tuma contacto cu nos Customer Service na 523-7100 of [email protected]
