Dialuna algun minuut pasa di 12 or marduga patruya di Santa Cruz atento bayendo warda a tuma nota di huma bayendo halto y a sigui esaki y a constata cu tin candela na Cacique Macuarima School.
https://www.facebook.com/masnoticia/videos/762674400878635/
E polisnan a baha bay wak y constata cu e prome lokaal na entrada di e scol eynan e huma ta saliendo y a solicita brandweer cu urgencia. Caminda tabata muha debi cu awa a yobe rato prome. E candela a bira grandi basta lihe y por a mira vlamnan den e lokaal y despues esaki a bay via dak. Brandweer a yega di biaha habri e porta di scol y bay paden y drenta accion. A combati e candela cu tabata grandi y esaki lo a cana pa un di dos local. Na un di dos lokaal polisnan a constata cu ta vandalismo a tuma nota cu malechornan a kibra bentana y pega esaki na candela intencionalmente y a laga un mensahe atras skirbi “ F**K Polis parti ariba na e muraya. Esaki ta sigur un mensahe di vandalismo y vengansa y ta laga di desea con ta haci esaki pa causa daño na scol.