https://www.facebook.com/masnoticia/videos/1277693288934923/
Dialuna merdia ariba e caminda di Santa Cruz pa Cas Ariba a sucede un accidente unda un van y brommer ta envolvi. Patruya di Santa Cruz a presenta di biaha na e sitio y solicita ambulance debi cu un cabayero tabata tin dolornan fuerte na su pia y otro parti di curpa debi na e impacto. Paramedico di biaha a presenta na e sitio pa asina atende cu e victima. Polis motoriza a yega pa tuma e accidente y constata cu e van bayendo ariba a yega lora dilanti e brommer bayendo abou, e motociclista a purba pa evita e dalmento pero no tabata por.