Un poco despues di 2’or di merdia un accidente a tuma luga na Santa Cruz, net riba e caminda un poco pariba di Centro di Husticia.
Informacion inicial ta mustra cu e chauffeur parce a baha caminda, a dal den un buraco y eynan a perde control riba e vehiculo. Su auto a subi caminda bek y a topa frontal cu e trekker. E chauffeur di e trekker a lastra un brake pero e distancia tabata mucho cortico y no por a evita cu e Van ta dal den dje. Chauffeur di e Van tabata e unico herido.
Despues di e impacto, e Van a bolter. E chauffeur a sali via di e windshield kibra, pa cual el a haya un corta serio na su braza.
Polis di trafico y otro autoridadnan concerni a yega hopi lihe na e sitio.