Entrante diamars, 27 di Juni, miembronan di biblioteca por entrega buki sin paga boet. Esaki ta posibel te cu ultimo dia di vakantie diabierna dia 25 di Augustus.
Pa tur miembro di biblioteca cu tin buki na cas basta dia caba, esaki ta un oportunidad ideal pa evita paga boet. Y e ta atractivo pa studiante y muchanan di scol cu a caba nan aña escolar. Tambe miembronan di sucursal San Nicolas cu a experencia falta di e facilidad di biblioteca pa motibo di renobacion di e edificio por beneficia di esaki. Miembronan di biblioteca San Nicolas, Savaneta, Pos Chikito y vecindario por entrega tur nan bukinan na biblioteca Oranjestad durante vakantie grandi. Ultimo dia cu esaki por ta diabierna dia 25 di Augustus.
Un y tur ta bon bini. Biblioteca na Oranjestad ta habri 5 dia pa siman non-stop di 9or pa 5or y tambe diaranson anochi di 5or pa 7or.