Un patruya ta keda manda pa Tio Pepe pa un caso di maltrato cu arma entre dos vagabundo. Posiblemente un di e partidonan envolvi lo ta canando rond cu’n kap na su cabes. Ambulance tambe tabata na caminda pa e sitio indica.
Na nan yegada polisnan ta wordo acerca pa un homber cu a indica cu e victima a cana bay direccion noord. El a sigui bisa cu e di e un di e vagabundo lo a corta orea di e victima cu’n boter kibra.
Den Scobillostraat, polisnanta bin topa cu e conoci pa nan como W, pero yama H. Esaki kier a huy drenta mondi. Yegando cerca di H, polisnan a constata cu H tabata tin un corta grandi na su nek y tabata sangra profundo. Su orea tabata a wordo corta cu’n obheto desconoci. Agentenan a purba dun’e e prome auxilio pero el a nenga. H. tabata hole na alcohol. A papia cun’e y a purba calm’e pa asina e personal di ambulance por a brind’e asistencia. H a wordo transporta pa hospital pa tratamento medico. E personal di ambulance a pidi pa asistencia di polis, mirando cu H tabata tin un actitud agresivo. Polis a compaña e ambulance pa hospital. Eynan H. a wordo atendi y pa despues e wordo hiba riba piso. H. tabata kier a entrega keho contra di L (e agresor). Mirando cu na e momento ey, H no tabata coherente pa a duna un declaracion, recherche lo a keda di pasa pa su mañan mainta pa tuma e denuncia. Chef van Dienst a wordo poni na altura.

Comments

comments