Den medionan di comunicacion por mira cu tin diferente vacaturanan pa manda busca personal for di Hulanda, mientras cu aki mes tin dokternan cu por haci e trabao aki. Dr. Dellanire Maduro ta splica.
Un medico general cu a gradua den region, ta mescos cu na Merca, e ta un general practionor. E no ta traha bou di supervision, e ta traha ariba su mes. Mientras cu un basisarts si mester haci esaki. E mester traha bou di supervision. Ey ta wak e diferencia entre paisnan den Latinoamerica cu Europa. Pero asina mes nan ta dispuesto pa haci un funcion cu ta cay bou di supervision. Un trabao di un zaalarts, of dokterassistent. Pakico? Pasobra cu e ta caro, y e ta genera un entrada pa asina por bay specialisa. Trahando un aña na hospital, p.e., e studiante kier kies kico e por bay sigui studia. Ora e caba e ta traha un aña pa gana experiencia. E por bay specialisa of haci e BIG. Pero nunca gobierno no tabata duna e opcion aki.
Ta wak cu tin trabaonan cu e yiu di tera por yena pabo, door cu e ta domina e idioma. Si wak online e vacatura, nan ta paga estadio etc, tur cos ta wordo paga. Pero no tin luga pa e Arubiano. Si ta bay via universidad, tin tanto cupo na hospital, e ora por bin traha como universidad. Pero Arubianonan cu no ta bay x- universidad no por bin core stage na Aruba, na nos hospital.
Sra. Dellanire Maduro a splica cu su rector a bin Aruba pa papia cu e ex director di hospital, pa wak e manera pa cera un convenio pa studiantenan Arubiano pa core stage. Tur studiante ta haya heimwee, dus nan por bin core stage na cas. Pero esaki a wordo nenga, ya cu tabata tin un convenio cu Hulanda. Pero si e studiante no ta studiando na e universidad aki, ta un dolor di cabes pa bin core stage na Aruba. E yiu di tera mester haya un oportunidad, si kier trece e studiantenan Arubiano na Hulanda, bek pa cas.
Mester corda cu un yiu di tera ta papia 4 idioma. Pero asina mes ta busca verpleegkundigenan di Suriname, cu atrobe ta papia un solo idioma. Si tin escasez di enfermero, ta busca pasobra cu e persona malo mester su cuido.
Aworaki ta busca un dokter di afo, pero un local solicita ta bis’ e cu no tin vacatura.
Tin dotkernan studia den regio cu ta trahando como zaalarts sin BIG. Dr. Dellanire Maduro ta sinti cu ta haci excepcion ora ta cumini hospital.
Dokternan cu a bin for di Colombia, a haya ontheffing, pero pa un local e no ta bay asina leu. Of bo ta Imsan, Hospital, etc, ta manda pidi un dokter su documentonan, ta mand’e pa DVG cu ta mand’e pa minister firma.
Tin ora tin duda cu e dotkernan cu ta bin di Hulanda, cu nan ta bin traha na Aruba pa 1 of 2 luna, no tin ni garantia cu nan tin e vergunning pa traha, cu mester keda cla prome cu nan cuminsa traha.Pero no tin control ariba esaki. Pa un dokter studia di region, pa e haya BIG, e nivel no ta compara cu esun di Hulanda. Pero dr. Maduro ta bisa pa toets ariba nos idioma, e no ta fair. Mester wak nos como pais, y ta tristo pa wak un dokter yiu di tera, ta defende otronan di e forma aki.
No tin nada contra di nan, pero mester ta husto. Ta bon pa tin dotkernan di diferente pais, cu diferente conocemento, segun dr. Dellanire Maduro.