Uzi, droga, placa haya durante entrada hudicial na Madiki y dos local deteni

Dia 13 januari 2020 en conexion cu un investigacion andando Seccion Crimen Organisa di Cuerpo Policial a haci un entrada hudicial den un container situa patras di un percela na Arendsstraat.
Den e container a wordo deteni e homber M.E.T i tambe e señora C. R. G.

Mester bisa cu e personanan deteni ta wordo considera sumamente peligroso y ta p’esey a haci uso di e team di aresto.

Den e container a ser encontra y a confisca un cantidad di cocaina, marihuana, 4 arma di candela di cual un di nan ta un UZI, placa y celular.

Pa Cuerpo Policial por resolve mas caso cooperacion di pueblo di Aruba ta hopi importante p’esey nos ta pidi si bo tin cualkier informacion yama nos tiplijn: 11141.

Comments

comments