Diahuebs mainta propietario di UTV cu ta staciona rond di pompstation Lg Smith Blvd a constata cu antisocial a horta un di nan UTV y a haci denuncia di biaha na autoridad, di biaha polis a keda informa di e caso aki y a cuminsa cu un buskeda.
Kico un hende lo bay haci cu un UTV ta desconoci pasobra ta mastanto ta companianan di huur ta usa e tipo di aparatonan aki. Un recherche coriendo riba e caminda di Santa Cruz pa Balashi a topa cu e UTV cu dos homber abordo y a sigui su tras, asina a drenta Balashi, pa Rooi Frances y direccion Rooi Taki pa sali pa Sabana Basora unda mas patruya a presenta pa duna un man.
A changa e utv aki y polis a bay di biaha na detene e sospechosonan sinta den e UTV aki. Vehiculo di transporta a bay cu e detenido warda pa interogacion di parti recherchenan di joyrding team.
